تلغراف 1 مارس 2010
Posted by menbarelhorya in على المصطبه.Tags: الوزراء, البرادعى, الرئيس, رؤساء الاحزاب
trackback
الى السيد الرئيس:- ارحمنا 000 رحمك الله.
===========================================
الى م/ ابراهيم سليمان :- صعبان عليا اقلك يا بشمهندس لانك عار على المهنه صراحه . بجد عرفت تضحك على البلد من ساعه لما كنت مع هدى عبد المنعم لغايه قطار الصعيد وتخصيص الاراضى عرفت بقى انت ليه عار.
===========================================
الى الدكتور احمد ذكى بدر:- احذر وتعلم مما تعرض له والدك فى مجلس الشعب لانى حاسس انها هتتكرر معاك المره دى بس مش من نائب هتبقى من اهالى الطلبه وفى الشارع يعنى على عينك يا تاجر
===========================================
الى السيد يوسف بطرس غالى:- حمدالله على سلامه عينك الغاليه….. عقبال لما تتعالج من وهم الضريبه العقاريه بس يارب ما يكون على نفقه الدوله بردوا.
===========================================
الى الدكتور حاتم الجبلى:- من معهد الاورام لقرارات العلاج ياقلبى لاتحزن .
===========================================
الى الدكتور على مصيلحى:- هو فى بيت حضرتك انبوبه ولا غاز؟ اصله لو غاز يبقى عرفنا ليه ازمه الانابيب مش عاوزه تتحل
===========================================
الى اعضاء مجلس الشتيمه-الشعب سابقا-:- بجد ونعم النواب شتيمه وسب دين وتخوين ده انتم غلبتم العيال اللى بتلعب فى الشارع انتم نواب مسئولين عن 80 مليون
انتم عااااار.
==========================================
الى الدكتور محمد البرادعى:- الكثير من الشعب المصرى يرى فيك غاندى المخلص, يرى فيك سعد زغلول الزعيم وجد فيك مالم يجده فى اى قياده داخليه,هم معك ويدهم بيدك فى معركه التغير والتى سوف تكون بأذن الله من نصيب المقهورين
==========================================
الى رؤساء احزاب المعارضه:-اعتقد انكم عرفتم قدركم الحقيقى فى الشارع .كفاكم نعرا بأنكم احزاب كبيره ولها وجود فى الشارع .اتى رجل فجمع الناس حوله وانتم فى هذا البلد ولم تستطيعوا لم اى فرد حولكم غير اعضاء احزابكم راجعوا انفسكم من فضلكم
تعليقات»
No comments yet — be the first.